சிவப்பு விளக்கொளியில் நின்று
குதிரைகள் உறும
நின்று நடுங்கும் தேர்களின்
பின்னெழும்பும் புகை நடுவே
திடுமெனக் காட்சியளிக்கும்
ஸ்ரீ ராமச்சந்திரமூர்த்தி
முனைமுறியா பாணங்களை
லாவகமாய் உருவி
சரஞ்சரமாய்த் தொடுக்கிறார்
சுவாசம் முட்டி வரும்
கோபியருக்கு மாத்திரம்
சைக்கிளில் தொங்கும்
அம்பறாத்தூணியிலிருந்து
நறுமணத்தையள்ளி அவர் வழங்க
மன்மதக்கணைகளை முழக்கணக்கில்
பெற்றுக்கொண்டிருந்தவர்களில் ஒருத்தி
மூர்த்தியண்ணா எனக்கு ஜாதிப்பூ என்ற கணத்தில்
சுங்கம் சிக்னலின்அத்தனை அம்புகளும் ஒளிர்கிறது ராமர் பச்சையில்
ஆனந்த விகடன் 22.10.2014
குதிரைகள் உறும
நின்று நடுங்கும் தேர்களின்
பின்னெழும்பும் புகை நடுவே
திடுமெனக் காட்சியளிக்கும்
ஸ்ரீ ராமச்சந்திரமூர்த்தி
முனைமுறியா பாணங்களை
லாவகமாய் உருவி
சரஞ்சரமாய்த் தொடுக்கிறார்
சுவாசம் முட்டி வரும்
கோபியருக்கு மாத்திரம்
சைக்கிளில் தொங்கும்
அம்பறாத்தூணியிலிருந்து
நறுமணத்தையள்ளி அவர் வழங்க
மன்மதக்கணைகளை முழக்கணக்கில்
பெற்றுக்கொண்டிருந்தவர்களில் ஒருத்தி
மூர்த்தியண்ணா எனக்கு ஜாதிப்பூ என்ற கணத்தில்
சுங்கம் சிக்னலின்அத்தனை அம்புகளும் ஒளிர்கிறது ராமர் பச்சையில்
ஆனந்த விகடன் 22.10.2014
