ஓட்டமாய் ஓடிக் கொண்டிருந்த முயலுக்கு
ஆமையின் வேகத்தை நினைத்ததும்
பொத்துக் கொண்டது சிரிப்பு
பகடியைப் பகிர்ந்து கொள்ள
நண்பர்களும் பக்கத்தில இல்லை
தனிமை துரத்த
முயல் ஓடுகிறது
ஆமையை நோக்கி
சினேகத்தைப் பாடி
நடந்தன இரண்டும்
ஆமை கழற்றிக் கொடுத்த ஓட்டை
சுமந்து பார்த்த முயலுக்கு
பொத்துக் கொண்டது அழுகை
ஆமையின் பாதச்சுவடுகளை
பணிந்து தொடர்கிறது முயல்.
No comments:
Post a Comment