பறக்க இயலாத பறவை

எல் கே ஜி வகுப்பில் 

இங்கிலீஷ் பீரியட் முடிந்ததும்                              
தமிழ்ப்பாடநேரம் துவங்குமென 
ஆசிரியை அறிவித்தவுடனே 

ஆங்கிலப் புத்தகத்திலிருந்த 
சித்திரங்கள்               தமிழ்ப்புத்தகத்துக்குத் தாவுகின்றன 

யாரும் அறியா வண்ணம்.
                        

ஜீப்ரா 
வரிக்குதிரை என்றும் 
ஜிராஃபி 
ஒட்டகச்சிவிங்கி எனவும்                    
பெயர்களை
தமிழில் மாற்றிக் கொண்டு 
இடம் பெயர                       

அவற்றைத் தொடருகிறதொரு 
பெருங்கூட்டம்.

லோட்டஸ் 
என்றழைக்கப்படும் தாமரை                    
ரோஸ் 
எனப்படும் ரோஜா                                                 ராபிட்(எ)முயல்                                                                   
பேரட்(எ)கிளி                                                                     
டக் (எ) வாத்து                                                                   யானை, மீன்,மயில், ஆடு...... 
என நீள்கிறது வரிசை
                               
எங்கே இருந்தாலும் 
ஒரே மாதிரி முழி 
இந்த ஆந்தைக்கு.
                          

எப்போதும் 
குழந்தைகளுடன் 
இருப்பதற்கான யுக்தி தெரியாமல்                         
எம்பி எம்பிக் குதித்தபடி
தவிக்கிற பெங்குவினுக்கு                                   தேவை ஒரு தமிழ்ப்பெயர்.


-ஜான் சுந்தர் 
-ஆனந்த விகடன்
-சொந்த ரயில்காரி தொகுப்பில்