குனிந்து பொறுக்கி
மடியில் சேகரித்துக் கொண்டிருந்தாள்.
குட்டி விரல்களுக்குத் தோதான
குட்டிக்குட்டி சிருஷ்டிகள்.
'ஷுஷு' என்பது வேப்பம்பூ
மாதுளை மொக்குகள்
'பாப்புக்குட்டிகள் ' என்றால்
மகிழம்பூக்களோ 'பாப்ளிக்குட்டிகள் '
ஜும்ளிகளைப் பற்றிய
தகவல்கள் ஏதும் தெரியாமல்
பட்டணம் புறப்படுகிறீர்கள்.
இதெல்லாம்
நெஞ்சழுத்தமும்
குருட்டு தைரியமும் இல்லாத வேறென்ன.
No comments:
Post a Comment