உன்னுடன்
விளையாடிக் கொண்டிருந்தவர்களுக்கெல்லாம்
வண்டி வந்து விட்டது!
இரட்டை மாட்டுக் கூண்டு வண்டி
குதிரைகள் பூட்டிய குடை வண்டி
குட்டிக்கார் குபேரத்தேர்
நீ
அமைதியாயிரு..
உன் மைதானத்தைப் போல
அதைவிடப் பெரிதாய்
ஆனை வரும்
அன்றேல்
ஆனைக் கருப்பில்
இருளிறங்கும்
இருளினும் பெரிதாய்
கனவை வரை.
அதனினும் பெரிதென்று
எதுவுமில்லை.
காத்திரு.. காத்திரு..
சாகாதே!
No comments:
Post a Comment